Бо оғози ҳамлаи Исроил ба Эрон дар рӯзи 13-уми июн даҳҳо нафар аз шаҳрвандони Тоҷикистон қаламрави он кишварро тарк кардаанд.
Ду муҳоҷири тоҷик, бародарон Саидакрам ва Умар Расулҷонзодаҳо, ки дар Русия ба гуноҳи ҳамла ва латукӯби кормандони пулис зиндонӣ шуда буданд, пас аз адои ҷазо ба Тоҷикистон баргаштанд. Мегӯянд, ба хато роҳ доданд, аммо пулиси Русия низ айбдор буд, ки чунин вазъиятро пеш овард ва онҳоро таҳрик дод.
Дар идомаи сахттар кардани мубориза бо муҳоҷирати ғайриқонунӣ, мақомоти Амрико як шаҳрванди Узбекистонро, ки дар кишвараш барои ҷинояте ҷустуҷӯ мешуд, барои посух додан дар додгоҳ ба ватанаш фиристодаанд.
Бархе аз муҳоҷирони меҳнатии собиқ, ки солҳо дар Русия будаанд, мегӯянд, ҷорӣ намудани маҳдудиятҳо дар ин кишвар кори онҳоро душвор кардааст ва ҳоло нияти рафтан ба Русияро надоранд.
Як пуле бар фарози рӯди Яхсу дар ноҳияи Восеъ дар роҳи Душанбе-Кӯлоб-Хоруғ нимвайрона шудааст ва ду сол боз баҳси бозсозии он ба натиҷае намерасад.
Ронандагони таксӣ дар Душанбе нигаронанд, ки чор ширкати дорои иҷозаи мусофиркашонӣ ба онҳо барои идомаи кор рафтори ноодилон доранд.
Аслан Гулобов, зодаи Вилояти Мухтори Куҳистони Бадахшон, ки ба ҳабси абад маҳкум шуда буд, дар зиндон вафот кардааст. Ӯ 35 сол дошт. Манобеи огоҳ ба Радиои Озодӣ гуфтанд, Гулобов шоми 9-уми июн бар асари хунрезии меъда ҷон дод. Мақомот расман дар ин бора суҳбат намекунанд.
Ёфтҳои бештар
